آدب وثقافة

أنا ال بقيت؟!!

تقييم المستخدمون: كن أول المصوتون !

 

خيري حسني 
أنا ال بقيت مانيش
عاجب.
أنا ال بقيت مانيش
نافع كبرت خلاص.
وشعري الأسمر كساه
الشيب وإتحولت
من صاحب الاخلاق
بقول العيب.
أنا ال اتركنت على
 الرف وأصبح في
العبر ألوان.
بقيت إسم في
دفاتركم ماحيه
الزيف أنا ال بقيت
ماليش صاحب
ولا خلان خلاص بتسنوا
في سكاكينكم وبتجهزوا
لرقبتي الدبح
أنا ال بقيت ضيف.
بكلامكم ال زي حد السيف
بقيتوا أصحاب المولد.
أنا ال أصبحت باتعاير.
بكبر سني وخلاص
بتفاصلوا في شراء كفني.
نسيتوا الأيد ال ياما.
أكلتوا من خيرها.
نسيتوا القلب ال كان
بيعشق تراب رجليكم.
نسيتوا الروح ال كانت
بتهفهف لريحة عطر
أنفاسكم نسيتوا الكف
ال غرف من دمي وعبالكم
نسيتوا إن ياما حاولت
أتعب والشق في إيدي
زي الدبح لراحة بالكم.
آه من الزمن وال مخبياه
الأيام أخاف أحلف أكون
تاني مانيش نفسي.
لتقولوا خان العهد ال قطعوا
على نفسه يكون طايع
لأوامركم وبسرعة ملبي
لمطالبكم خلاص صيرتوا.
تعدوا في جمايلكم.
ما أنا ال غلطان.
ماكان من الأول وضعت
لمواقفي حدود.
كنت سايبها على الله.
وأقول بكره هايفتكروا.
ال كان مني وهايقولوا ياريت
كانت أيامه تعود.
ولو ساعه نشوف طله.
من عينيه السود.
زمان عدا ببلاويه وجايه
أيام تقول هي وكأنها بتتغني
بمواويله وبتتغزل فيه.
نقول بكره هاتتعدل تيجي
أوسخ من ال قبليه.
نبوس الإيد ونحمد ربنا
ونشكر فضله ونرضى
 بالمقسوم يقولوا دا كان
عبيط وأهبل ما عملش
لنفسه حساب.
على طول وطول عمره
موارب الباب.
وتركها على المولى ال
عمره ما غاب.
أنا ال بقيت زوال ماليش
أدنى ستين لازمه.
وكأني في رجليكم جزمه.
نعلها دايب من التعاتير.
خلاص ما بقيتش في
حروفكم بلا معنى
ولا تفسير.
أنا ال بقيت
ماليني ذنوب ولا نافع
بإني أتوب.
أنا ال بقيت شيطان وإنتم
ملايكة الرضوان.
أنا ال بقيت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى